Transcription
1
Monsieur, à mon arrivée de Lion qui fust le jour de la Notre Dame, monsieur de
2
La Tyvolière me randit la lettre quil vous a pleust de mescripre pour responce aulx
3
miennes deulx precedentes. En premier lieu, je vous mercyeray très humblemant
4
la fiance que vous avés heu en moy du faict de La Mure et de ce quil vous a
5
pleu dy gratifier celluy que je nommeroys, à quoy je vous diray que je nen
6
avoys aulcun par trop affectionné quepour le sercice du roy, toutesfoys, puys
7
quil vous a pleu de tant me favoriser que de men donner le choys, jen
8
ay nommé ung audit sieur de La Tyvolière, duquel je masseure que vous aurés
9
contentemant et luy avec. Jestime quil vous faict bien particulièrement
10
entendre comme le tout a bien succedé par bonne fortune et lentreprinse
11
que le Cadet de Voguedemar avoit avec Lesdiguyères pour leur remetre ces
12
chasteaus qui estoit enseigne de La Balme. Encores vous en dyray je ce mot
13[barré : de pe ] qui est que suyvant votre volunté, se trovant en ceste ville ledit La
14
Balme à propos pour larrester, sans quil se doubtast daulcune chose pour
15
obvier à ce que lon fesoit contre luy, monsieur de La Tyvolière se resolust
16
denvoyer le cappitaine Curebource avec environ XXV ou trante souldatz à La
17
Mure, feignant vouloir excecuter quelque dessain contre les ennemis,
18
accompaigné dune lettre audit Cadet pour le cacher dans ledit chasteau qui
19
luy fist responce quil ne le lerroit entrer avec luy estoyent quelques
20
soldatz de Sessenaige, toutesfoys se voyant foyble contre le reste des soldatz
21
qui estoyent dedans, se doubtant son entreprinse estre descouverte, sortist
22
dehors pour se retirer avec lesdictz ennemys quil trouva justemant de là
23
le Pontault qui venoyent (comme a despuys raporté son laquès
24
qui est revenu) pour entrer ausdictz chasteaus. Je pence bien que monsieur de
25
Moydieu vous en avoit faict entendre quelque chose que je luy avoys prié de
26
vous dire que je avoys descouvert ceste menée à se traicter
27
[133 v°] despuys le siège qui y fust comme jay peu sentir et croys que si ce faict
28
est mené ung peu vifvemant comme jestime que lon fera, il se descouvrira
29
beaulcop de choses, car ce laquès en accuse des aultres qui sont encores
30
en pays. Il cest saulvé ung mercyer qui pourtoit les lettres que je
31
pence que lon pourra encores attraper. Je loue Dieu de la grace quil nous
32
a faicte de nous avoir deslivré ce beau traict. Je ne vous ennuyeray de
33
plus long discours et vous dyray comme estant à Lion, je trouvey la
34monstre de la compaignie de monseigneur de Nemours faicte [barré : et la ] qui
35
ma garda de passer plus oultre. Jespère, avec layde de Dieu, ailler fère
36
ca[resme]prenant ave[c] luy pour luy ailler baiser les mains et à madame,
37
encore que je luy remete son enseigne. Je ne laisse de demeurer en sa
38
bonne grace et tousiours à luy parce que je tire lestat que le feu
39
cappitaine Bellantan, lieutenant de monseigneur son filz, tirat, qui est la
40
pension de douze centz livres quil a du roy de cappitaine de gendarmes
41
entretenu. Je vous mercye très humblermant de ladvis quil vous plaict
42
de men donner, ce nest la première obligation que je vous ay en eschange
43de tant de biens que journelement que reçoys de vous. Je vous supplie [barré : q ]
44
de recepvoir la bonne volunté que jay de vous fère toute ma vye
45
bien humble et affectionné service et cest daussi bonne volunté que
46
je presente mes très humbles recommandations à votre bonne grace,
47
priant le Createur vous tenir,
48
monsieur, en très bonne santé, très longue et très heureuse vye. De
49
Grenoble, le VIIIme de febvrier 1574.
50
Votre très humble allyé et très affectionné
51
serviteur monestier
52
[134] Ce cadet de Voguedemar est de Bainisan et estoit sergent de monsieur
53
d’Ourches. Je pence que monsieur de La Tyvolière vous faict entendre lestat
54
auquel lon a trouvé le chasteau de monseigneur de Vauldemont tout
55ruyné [barré : et la plus part ] et le couvert naiste jusques aulx murailles
56
qui ne sont remparés que de pierre sèche ; et auparavant, il estoit du
57
tout fort beau et abitable où les officiers abitoyent et les
58
rantiers retiroyent leurs grains.